मुंबई.दि4(प्रतिनिधी) राज्यपाल.सी.पी.राधाकृष्णन यांना मुंबई येथील राजभवन येथे आज महायुतीच्या वतीने सत्ता स्थापनेचा दावा करण्याबाबतचे पत्र देण्यात आले. त्यासोबतच शिवसेना, राष्ट्रवादी काँग्रेस तसेच महायुतीतील घटकपक्षांच्या वतीने मुख्यमंत्रीपदासाठी भारतीय जनता पार्टीचे विधिमंडळ गटनेते देवेंद्र फडणवीस यांच्या नावाला समर्थन देणारे पत्र राज्यपाल सी.पी.राधाकृष्णन यांना सुपूर्द करण्यात आले.
याप्रसंगी भाजपचे केंद्रीय निरीक्षक आणि केंद्रीय मंत्री निर्मला सीतारामन, विजय रूपानी, देवेंद्र फडणवीस, अजित पवार, खासदार प्रफुल्ल पटेल, खासदार सुनील तटकरे, खासदार अशोक चव्हाण, रावसाहेब दानवे पाटील, भाजपचे प्रदेशाध्यक्ष चंद्रशेखर बावनकुळे तसेच महायुतीतील सर्व प्रमुख नेते आणि आमदार उपस्थित होते.
